MFUMO WA MADENIMIS WALETWA KWA WALIMU, MANISPAA YA IRINGA KUTATUA MADAI YAO

Posted on: September 15th, 2020

Waratibu na wakuu wa shule za Msingi na Sekondari kutoka Halmashauri ya Manispaa ya Iringa wamepewa mafunzo ya mfumo wa madenimis ili kurahisisha utatuzi wa madai yao kwa haraka.

Mafunzo hayo yamefanyika hii leo tarehe 15 September 2020 katika ukumbi wa Shule ya Msingi k Iringa

Akizungumza wakati wa mafunzo hayo MkaguzI wa ndani wa Manispaa Ndg.Henry Kamtande, amesema mfumo huo  utawasaidia walimu wakuu kuingia na kuona madai mbalimbali ambayo walimu wameyatoa  na kuyapitia kabla hayajatumwa kwenda kwa Afisa Elimu ili kupatiwa ufumbuzi.

Kwa upande wake Afisa Tehama  Bi. Anna Kivike amewataka waratibu elimu pamoja na wakuu hao wa shule kuhakikisha walimu wote kutoka katika shule zao wanajisajili na mfumo huo mpya wa madai na wasisite kuwasiliana na Ofisi yaTehama pale watakapokutana na changamoto za kujiunga.