MGOGORO WA BAJAJI NA DALADALA MANISPAA YA IRINGA KUPATIWA SULUHU

Posted on: April 28th, 2021

MAAZIMIO YA UTARATIBU  WA BAJAJI NA DALADALA KATIKA MANISPAA YA IRINGA KUTOKANA NA UAMUZI WA BARAZA MAALUM LA MADIWANI LILILOKAA TAREHE 28.04.2021

Halmashauri ya Manispaa ya Iringa imepitia changamoto na migogoro mingi ya vyombo vya usafirishaji katika mji wetu. Migogoro hiyo imesababisha kuwepo kwa migomo ya mara kwa mara kwa madereva wa bajaji na daladala hivyo kuhatarisha usalama na kuondoa hali ya utulivu katika Manispaa yetu. Vikao na mikutano mbalimbali vilifanyika na mapendekezo mbalimbali yaliwasilishwa ili kuweza kutatua changamoto hizo.

Baraza Maalum la Madiwani limekaa tarehe 28.04.2021 kujadili changamoto hizo na kutoa maamuzi yafuatayo:-

• Bajaji zote za zamani zinazotoka nje ya Mkoa wa Iringa hazitapokelewa na kupewa namba ya usajili. Aidha bajaji zitakazopokelewa na kusajiliwa ni bajaji mpya na zitapangiwa vituo vya  pembezoni mwa Mji.
• Bajaji zote zitapangwa katika vituo maalum na kwa kuzingatia ukanda wake   
•          (zone).
• Bajaji kwa kila kanda (zone) zitakuwa na idadi maalum kulingana na mahitaji.
• Kamati  Maalum ya Madiwani imeamua kuwa:-
• Eneo la Stendi ya Miyomboni litumike kwa bajaji za Kihesa na Ipogolo na daladala zilizokuwa zinatumia stendi ya Miyomboni zitumie Stendi Kuu ya Zamani.
• Bajaji za Don Bosco, Mtwivila, Mawelewele, Mkwawa zitatumia kituo cha barabara mbili.
• Bajaji zote za ukanda wa Kihesa na Mkimbizi hazitaruhusiwa kupita barabara kuu ya Dodoma kuanzia mnara wa saa wa Manispaa na badala yake zitapitia barabara ya Mama Siyovelwa (Mahatmaghand) kupitia Shule Sekondari ya Wasichana Iringa hadi  Transforma Kihesa kwenda Ngome Shule ya Msingi.
•  Ambapo Bajaji za Mkimbizi zitavuka kupitia njia ya Ngome Shule ya Msingi kwenda Mwang’ingo na kuvuka barabara kuu kwenda Mkimbizi.
• Bajaji za Kihesa zitaendelea kwa kupitia Hospitali ya Ngome kwenda Kihesa Sekondari na Chuo Kikuu cha Tumaini.
• Bajaji za Nduli na Kihesa Kilolo zitapita njia ya Mkimbizi kutokea Bwawani na kuendelea na barabara kuu ya Dodoma Road.
• Bajaji zote za ukanda wa Ipogolo zimeruhusiwa kupandisha juu kupitia barabara kuu kwa kukatishi kwa Mambo kupitia barabara ya Legezamwendo na shooters kuishia Stendi ya Miyomboni.
• Bajaji za Isakalilo zitapitia zizi kwenda pembezoni kote na hazitapandisha kupitia barabara ya zizi kona ya kabari kwenda Mlandege.
•  
• Bajaji za Isakalilo kama zitataka kwenda na kutoka mjini zitatumia
• Njia ya Kwakilosa kupitia Don – Bosco na kuishia kituo cha barabara mbili.
• AU
• Bajaji zitapita barabara ya Kihodombi, Mwangata, Machinjio ya Mlandege kutokea Kijiweni soko la Samaki, njia ya Holiday kupitia Msikiti wa Hidaya na kwenda Mashine tatu.
• AU
• Bajaji zipite Njia ya Mashine tatu kupitia msikiti wa Hidaya kwenda kukatishia soko la Samaki Kijiweni kwenda Machinjio ya Mlandege hadi kona ya Kabari na kutelemkia kwenda njia ya Mwalugenge (kulia) kwenda Zizi.
• Bajaji zote haziruhusiwi kupita barabaza zote zilizoandikwa No. Entry.  Barabara hizo ni Pamoja na:-
• Barabara ya kuanzia mnara wa  saa kwenda Kihesa.
• Barabara ya Mwang’ingo kuja Mjini na Mwang’ingo kwenda TRM
• barabara ya njiapanda ya Mtwivila kwenda Mjini na kwenda Mwang’ingo.
• Barabara za kwenda stendi kuu ya zamani, ambazo ni njia ya Zebra kwenda Stendi kuu ya zamani, Mashine tatu kwenda stendi kuu ya zamani, barabara ya mzunguko wa stendi kuu ya zamani na njia ya Mwembetogwa kuingia stendi kuu ya zamani, njia ya MR Kwenda stendi kuu ya zamani na Njia ya kutokea magari yanatotoka stendi kuu ya zamani.
• Barabara ya kuanzia Zebra kuu (VODASHOP) hadi Samora.
• Daladala za Tumaini zitaishia Kigonzile shule ya Msingi na sio Tumaini Chuo kama ilivyokuwa awali.
• Bajaji za Frelimo zitaishia Kituo cha Mashine tatu.
• Bajaji za Mtwivila zitapitia njia ya Chuo Kikuu cha Mkwawa kwenda na kutoka Mtwivila na njia ya Magic Site kwa kupitia Mkwawa Sekondari.
• Ili kuhudumia wananchi wa Kihodombi itarudishwa route ya daladala ya Kihodombi Tumaini.
• Route zote za daladala zirudi na kuanza kufanya kazi kama ilivyokuwa awali Pamoja na marekebisho yake katika maeneo hayo.
• Vituo vya Soko Kuu na Shooters Pamoja na MR vilivyokuwa vinatumiwa kama stendi ya Bajaji vimefutwa.

Maazimio hayo yamepitishwa na kuthibitishwa na Mkutano Maalum wa Baraza la Madiwani uliokaa tarehe 28.04.2021.