MHESHIMIWA RYATA JOSEPH NZALA ASHINDA UNAIBU MEYA MANISPAA YA IRINGA.

Posted on: September 8th, 2018

.

Mheshimiwa Ryata J. Nzala diwani wa kata ya Kwakilosa amechaguliwa kwa kura 15 kuwa Naibu Meya wa Manispaa ya Iringa baada ya kumshinda Mheshimiwa Severin Mtitu diwani wa Kata ya Mkimbizi aliyepata kura 13.
Akitangaza matokeo hayo Mkurugenzi wa Manispaa ya Iringa Ndugu,Hamidi Njovu amesema katika kura 28 zilizopigwa Mheshimiwa Ryata N zala amepata kura 15 kati ya kura 28 na kwa mujibu wa kanuni za Manispaa ya Iringa mheshimiwa Ryata atakuwa ndiye Mwenyekiti wa Kamati ya Kudhibiti Maambukizi ya Ukimwi.

Aidha, baraza hilo limeteua kamati mbalimbali za kudumu ambapo, Mheshimiwa Raphael Ngullo diwani wa kata ya Makorongoni ameteuliwa kuwa Mwenyekiti wa kamati ya Uchumi, Afya na Elimu na Mheshimiwa Frank Nyalusi ameteuliwa na wajumbe wa kamati ya Mipangomiji na Mazingira kuwa mwenyekiti wa Kamati hiyo.

Mheshimiwa Mahadhi Hepautwa diwani wa kata ya Kitanzini ameteuliwa kuwa mwenyekiti wa kamati ya Maadili.

Akifunga mkutano huo Meya wa Manispaa ya Iringa Mheshimiwa Alex Kimbe amesema kilicho baki kwa sasa ni kutafuta mapato na kubuni vianzia vipya vya mapato kwa Halmashauri ya Manispaa ya Iringa, hivyo amewaomba waheshimiwa madiwani wote kushikamana katika kutetea maslahi ya wananchi na kusimamia miradi ya maendeleo