M/KITI CCM - IRINGA AWAONYA WATIANIA KUTOKUTOA RUSHWA ILI KUPEWA NAFASI YA KUGOMBEA

Posted on: July 8th, 2020

Mwenyekiti wa chama Cha Mapinduzi Mkoa wa Iringa ndugu Abel Nyamahanga amekemea vikali tabia ya baadhi ya watia nia wa nafasi ya ubunge kupitia chama hicho kujipitisha kwa wanachama na kutoa rushwa kwa lengo la kujiwekea mazingira mazuri ya kupitishwa  wakati wa mchakato wa kura za maoni.

Nyamahanga amesema hayo katika kikao chake na wanahabari mkoa wa Iringa, kilichofanyika katika ukumbi wa CCM Mkoa Leo.

" tutachukua hatua kali dhidi ya mwanachama yoyoye    atakaebainika  kutoa au kupokea rushwa. Nyamahanga aliongezea

Aidha Nyamahanga ametoa onyo  kwa viongozi wa chama wenye dhamana ya kusimamia uchaguzi kutopendelea  mgombea au mtia nia yeyote kwa lengo la kutaka ashinde.

Naye mjumbe  wa Halmashauri kuu ya Taifa (MNEC) ndg Salim Abri amesema chama Cha mapinduzi kiko imara na wamejidhatiti kumsimamisha mgombea mwenye sifa.

Ameongeza  kuwa ana uhakika wa ushindi wa kishindo kupitia chama Cha Mapinduzi .

Akijibu swali la mwandishi wa habari juu ya MNEC huyu kugombea  nafasi ya ubunge jimbo la Iringa mjini,  amesema kuwa Ccm ina wanachama madhubuti na wenye sifa hivyo chama hakiwezi kukosa mgombea na  sio lazima yeye agombee nafasi hiyo.

Amesema ana imani na mgombea  atakayepitishwa na Ccm katika kinyang'anyiro hiko.