MKOA WA IRINGA KUSHIKA NAFASI YA NNE MATOKEO YA DARASA LA SABA

Posted on: December 12th, 2017

Kaimu Mkuu wa  Mkoa wa Iringa  Bi. Wamoja Ayubu Ameutaka uongozi wa Manispaa ya Iringa kuongeza juhudi katika kuimarisha Elimu ya Msingi katika kikao kazi cha Kitaifa cha kupokea Matokeo ya Darasa la saba kwa mwaka 2017 kilicho fanyika Ukumbi wa Siasa ni Kilimo siku ya ijumaa tarehe 8/12/2017.

Aidha Bi, Ayubu amewapongeza Wakuu wa shule zote za Msingi  kwa kufanya vizuri katika kipindi chote cha maandalizi ya mtihani  wa Darsa la saba   kwa watahiniwa  ambayo imepelekea kupata matokeo mazuri kwa kupata nafasi ya nne (4) Kimkoa  kati ya Mikoa ishirini na sita (26)  ya Tanzania.

Mbali na hayo amewataka Wenyeviti na Maafisa Elimu msingi kuhakikisha Shule ambazo hazijakamilika zikamilike kwa haraka, na baadhi ya Shule ziongezewe vyumba vya Madarasa ili Watoto ambao wamechaguliwa kuingia Kidato cha kwanza wasikose nafasi.

Kikao kazi hicho hufanyika kila mwaka Kitaifa mbapo matokeo ya Darasa la Saba hutangazwa na kukabidhiwa Halmashuri mbalimbali kwa ajili yamaandalizi ya watahiniwa kuanza kidato cha Kwanza.