MKURUGENZI MANISPAA AWATAKA WALIMU WA SEKONDARI KUFANYA KAZI KWA WELEDI ILI KUCHOCHEA MAENDELEO YA ELIMU

Posted on: February 15th, 2019

Mkurugenzi  wa Manispaa ya Iringa Ndg Hamid Njovu, amewataka  walimu wote wa shule za Sekondari zilizopo Manispaa ya Iringa kufanya kazi kwa weledi  ili kuchochea maendeleo ya kielimu , ameyasema hayo  katika ukumbi wa Lugalo jana ,Katika  kikao cha walimu kilifanyika kwa lengo la kuboresha taaluma na kusikiliza changamoto za walimu pamoja na kuzitolea ufafanuzi. Amesema tatizo la  kuchelewa kwa baadhi ya walimu kupanda daraja linashugulikiwa kwani utaratibu wa kupandisha madaraja unafanyika kila mwaka na kuwa walimu wanaongezeka kila mwaka,hivyo walimu wawe wavumilivukwani serikali inashughulikia suala hilo.

 Kwa upande wake afisa elimu sekondari  Tupe kainga,amesema mikakati  waliyonayo katika kuhakikisha wanaboresha taaluma ni  kuhakikisha wanaongeza  ufaulu kwa wanafunzi na kutatua changamoto za wanafunzi  kwa  kuhakikisha  shule zote za Manispaa  wanafunzi  wanapata  chakula cha mchana ili waweze kuwa na usikivu,pia kuhakikisha   changamoto zinazowakabili walimu zinatafutiwa ufumbuzi wa haraka ili kuwafanya waweze kufundisha kwa ufanisi.

Bestnest  Mwakakamale ni mwalimu wa shule ya sekondari  Lugalo  Amekiri kuwa  kuwepo kwa changamoto ambazo zinapelekea wanafunzi kutokufanya vizuri  na kuwa hali hiyo inasababishwa na baadhi ya walimu kutokuwa vizuri  kiuchumi, kwani wana madeni mengi kutokana na mishahara kutokupanda kwa muda, pia walimu wengi hawajapanda madaraja kwa muda mrefu hii inapelekea kushindwa kufanya vizuri katika majukumu yao.

Aidha Mwakakamale  amesema sababu nyingine inayofanya wanafunzi kutokufanya vizuri katika masomo yao ni kuanza mahusiano ya kimapenzi  wakiwa shuleni hivyo kushindwa kuzingatia masomo hivyo amewaomba wazazi kufatilia  nyendo za wanafunzi hao kwa ukaribu ili wazingatie masomo kwani ndio msingi wa maisha yao ya badae.