MKUU WA WILAYA YA IRINGA AFANYA ZIARA YA UKAGUZI WA MIRADI MANISPAA YA IRINGA

Posted on: July 22nd, 2021

Mkuu wa Wilaya ya Iringa ndugu Mohamed Moyo amefanya ziara ya kutembelea na kukagua Miradi ya Maendeleo inayotekelezwa katika kata zote 18 Manispaa ya Iringa

'Natoa wiki moja kwa wakandarasi ambao hawajakamilisha ujenzi wa miradi inayotekelezwa na Halmashauri ya Manispaa ya Iringa kukamilisha kazi hiyo mara moja ili miradi hiyo ianze kutumika kwa ustawi wa Manispa.'alisema Moyo

Moyo amesema Lengo la ziara hiyo ni kuangalia matumizi  ya fedha zinazotolewa na Serikali na ubora wa miradi hiyo kama unaendana na fedha zilizotolewa

Aidha Moyo amewataka Wakandarasi kufanya kazi usiku na mchana ili kuhakikisha wanakamilisha ujenzi huo pia amesisitiza wazingatie ubora wa Miradi

Amempongeza Mkurugenzi kwa  juhudi kubwa katika kusimamia miradi hiyo na kuwataka wananchi kuweka uzalendo mbele kwa kuitunza miradi kwani jukumu hilo la ulinzi ni la kwao

Omary Mkangama ni kaimu Mkurugenzi wa Manispaa ya Iringa amesema atayatendea kazi maelekezo yote yaliyotolewa na Mkuu wa Wilaya ikiwa ni pamoja na kufanya ukarabati mara moja katika majengo yaliyoharibika

Miradi iliyotembelewa na kukaguliwa ni pamoja na Mradi wa ujenzi wa choo zahanati ya kitanzini, kutembelea na kukagua shule ya Msingi

Azimio,ujenzi wa choo shule ya Msingi Chemchem na umaliziaji wa ujenzi wa jengo la Zahanati Itamba.