MSIMAMIZI WA UCHAGUZI JIMBO LA IRINGA MJINI AKABIDHI HATI ZA USHINDI KWA MADIWANI WATEULE KWA KATA TANO ZA RUAHA,GANGILONGA,KWAKILOSA,MWANGATA NA MKWAWA.

Posted on: August 14th, 2018

Msimamizi wa Uchaguzi Jimbo la Iringa Mjini Ndugu, Omary Mkangama amekabidhi hati za ushindi kwa madiwani watano walioshinda uchaguzi wa udiwani kwa kata tano za Mwangata, Ruaha, Mkwawa, Gangilonga na Kwakilosa.
Waliokabidhiwa hati za ushindi ni ndugu Nguvu Edward Chengula, kwa kata ya Mwangata, Ndugu Amri Zakaria Kalinga kwa kata ya Mkwawa, Ndugu Leonard Raphael Mgina wa Gangilonga, Ndugu, Tandes Sanga wa kata ya Ruaha na Ndugu Joseph Lyata wa kata ya Kwakilosa. Washindi watano wametoka katika Chama cha Mapinduzi.(CCM)
Makabidhiano ya hati hizo za ushindi yamefanyika katika ofisi ya Kata ya Mwangata na kuhudhuriwa na Afisa Uchaguzi wa Manispaa ndugu Gabrieli Msunza, wasimamizi wa uchaguzi ngazi ya Jimbo, wasimamizi wasaidizi wa kata zote zilizofanya uchaguzi.