MSIMAMIZI WA UCHAGUZI JIMBO LA IRINGA MJINI AMEFUNGUA MAFUNZO YA WASIMAMIZI WASAIDIZI NGAZI YA KATA KUJIANDAA NA UCHAGUZI MKUU 2020

Posted on: August 7th, 2020

1. Msimamizi wa Uchaguzi jimbo la Iringa Mjini ndugu. Hamid Njovu, amefungua mafunzo ya usimamizi wa uchaguzi kwa wasimamizi wasaidizi ngazi ya Kata uliofanyika katika ukumbi wa mikutano chuo cha Veta leo tarehe 7.8.2020.

Aidha mafunzo hayo yamepangwa kufanyika kwa siku tatu lengo likiwa ni kuwaandaa katika usimamizi wa Uchaguzi Mkuu wa Taifa wa mwaka 2020 unaotarajiwa kufanyika mwezi Octoba.

Ndugu. Njovu amewataka wasimamizi hao kuzingatia mafunzo hayo na kuyafanyia kazi ipasavyo mara baada ya mchakato huo utakapo anza huku akiwaasa kwamba taarifa zote zitatolewa na Msimamizi wa uchaguzi kwa wanaohusika.

"Tutambue kuwa tumeaminiwa na kuteuliwa kwa kazi hii kwa sababu tuna uwezo wa kuifanya kwa mwaminifu, uadilifu na uchapaji kazi wa uhakika" aliongezea Njovu  mara baada ya ufunzuzi wa mafunzo hayo.