MWENGE WAZINDUA MIRADI YA SH.BILIIONI 1.5 MANISPAA YA IRINGA

Posted on: September 3rd, 2022

Mwenge wa uhuru  umezindua, kukagua na kuweka mawe ya msingi katika miradi mitano ya maendeleo yenye thamani ya shilingi bilioni 1.5

Akiongeq katika maeneo ya miradi leo tarehe 3/9/2022, Kiongozi wa mbio za Mwenge wa Uhuru kitaifa ndugu Sahili Nyanzabara amewataka wataalam wa ujenzi kufuata miongozo iliyowekwa na wizara wakati wa ujenzi wa miradi ili kuepuka kufanya kazi chini ya kiwango ama kinyume na miongozo hiyo

Nyanzabara amesema kutofuata maelekezo yaliyotolewa katika miongozo ni jambo ambalo  halipaswi kuendelea kutokea vinginevyo wataalam wajitathmini katika eneo hilo .

Miradi iliyopitiwa na Mwenge wa uhuru mwaka 2022 katika Manispaq yaIringa ni Ujenzi wa jengo la madarasa mawili  na ofisi moja, Ujenzi wa shule  ya Sekondari Tagamenda,ujenzi wa shule ya mpya ya Sekondari ya Isakalilo, Ujenzi wa wodi mbili na jengo la upasuaji katika Hospitali ya Flerimo,Ujenzi wa barabara ya lami Mtwivila-Darajani- Ikonongo na ukaguzi wa vikundi vya ujasiliamali vya vijana na wanawake

Katika ziara hiyo mkuu wa Wilaya ya Iringa Mhe. Mohamed Moyo amesema amepokea maelekezo yote yaliyotolewa na kiongozi wa mbio za Mwenge kitaifa na kumshukuru kwa kukubali kuizindua na ,ameahidi kuyafanyia kazi mara moja,maelekezo yote yaliyotolewa na Kiongozi huyo.

Mhe Moyo  amemshukuru Rais Mhe.Samia Suluhu Hassan kwa kutoa fedha  nyingi  za miradi  katika sekta ya Afya, Elimu na Miundombinu katika Manispaa  ya Iringa ili kuwaletea wananchi maendeleo.

Jesca Msambatavangu ni Mbunge wa jimbo la Iringa Mjini amewashukuru wataalam kwa kazi nzuri wanayofanya na kusisitiza matumizi mazuri ya rasilimali fedha zinazolewa na Serikali kwa manufaa ya umma.

Nyanzabara ametumia fursa hiyo kukemea vitendo vya rushwa,ameawakumbusha wananchi kuzingatia mlo kamili,kujikinga na malaria na kukemea vikali matumizi ya dawa za kulevya.

Aidha amewasisitiza  wanachi kuhakikisha wanahesabiwa kwa maenfeleo na ya Taifa kwa ujumla.