NAIBU WAZIRI WA ARDHI MHE. ANGELINA MABULA AMEWATAKA WAKURUGENZI MKOANI IRINGA KUONGEZA NGUVU YA UKUSANYAJI WA MADUHURI YA SERIKALI

Posted on: March 26th, 2021

Naibu Waziri wa Ardhi, Nyumba na Maendeleo ya Makazi Mhe. Dkt. Angeline Mabula amefanya ziara na amekutana kuzungumza na Wakurugenzi pamoja na watumishi wa Ardhi Mkoani Iringa katika ukumbi wa Shule ya Sekondari Lugalo iliyopo Manispaa ya Iringa tarehe 26.02.2021

Akizungumza na hadhara hiyo Mhe. Mabula amesema, dhumuni la ujio wake ni kukagua na kuhamasisha juu ukusanyaji wa maduhuri ya Serikali ambapo Mkoa wa Iringa mpaka sasa umefanikiwa kukusanya kwa asilimia 48

"Jukumu la ukusanyaji wa kodi za ardhi ni letu sote, hivyo tuhakikishe tunawajibika katika hili lakini pia niwaombe wale wadaiwa sugu kulipa madeni yenu maana mnafanya shuguli zingine za kiserikali kutokamilika kwa wakati" Mhe.Mabula aliongezea

Aidha kwa upande wake Kamishna Msaidizi wa Ardhi Mkoani Iringa Ndg. Wenslaus Mtui amesema kwa kiasi kikubwa tangu kuanzishwa kwa Ofisi za Ardhi Mkoa wa Iringa zimesaidia kupunguza migogoro mingi ya Ardhi kwa wananchi hali ambayo hapo mwanzo ilikuwa ni changamoto kwakuwa Ofisi zilikuwa Mbeya katika ukanda wa kusini mwa Tanzania

Akiwasilisha tarifa yake ya Mkoa ndugu Mtui katika utendaji kazi amesema kwa sasa Mkoa wa  Iringa katika Sekta ya ardhi kuna  changamoto ya upungufu wa watumishi  hali inayopelekea kushindwa kufanya kazi kwa uharaka na kwa wakati huku akisema vitendea kazi pia ni changamoto

Naye, Mhe. Richard Kasesera, Mkuu wa Wilaya ya Iringa ameipongeza Serikali kwa ufunguzi wa Ofisi hiyo huku akitaja kuwa changamoto ya elimu kwa wananchi ni moja ya kikwazo cha ulipaji wa kodi ya Ardhi.