RC IRINGA AFANYA ZIARA MASHULENI

Posted on: January 8th, 2024

Mkuu wa Mkoa Iringa Mhe. Halima Dendego amefanya ziara kwenye shule  za  Sekondari na Msingi  zilizopo manispaa ya Iringa  kwa lengo la kushuhudia  muitikio wa wanafunzi wapya wanavyoripoti mashuleni leo tarehe 8, Jan 2024.

Dendego aliyeambatana na Mkuu wa Wilaya wa Iringa Mjini Mhe. Veronica Kessy ametoa maelekezo kwa Wakuu wa shule, kuwa watoto wote wapya wanaoandikishwa shuleni huku hawajatimiza mahitaji yote yale yanayotakiwa shuleni kama sare za shule basi wahakikishe wanapokelewa haraka sana.

“Natoa maelekezo, wakuu wote wa shule naomba mwanafunzi yeyote yule asikataliwe kuandikishwa kwa kigezo hana sare za shule, kikubwa kinachotakiwa na anachotaka Rais Dr. Samia Hassan ni akili na mtoto awe amefaulu.

Kwa upande mwingine Dendego amemshukuru sana Rais Dr. samia Suluhu kwa kuendelea kuinua elimu kwa kutoa fedha nyingi za miradi ya shule ili wanafunzi wote wanaofaulu wasikose nafasi ya kusoma kwa kisingizio shule zimejaa.