SEKRETARIETI YA MKOA WA IRINGA YAIPONGEZA MANISPAA YA IRINGA KWA UTEKELEZAJI WA MIRADI YA MAENDELEO

Posted on: July 9th, 2018

 Ofisi  ya Mkuu wa Mkoa wa  Iringa imeipongeza Halmashari ya Manispaa ya Iringa kwa kazi nzuri ya usimamizi na utekelezaji wa miradi ya maendeleo inayotekelezwa kwa mwaka wa fedha 2017-2018

Pongezi hizo zilitolewa  wakati wa ziara ya Sekretarieti ya Mkoa ya  kutembelea miradi mbalimbali ya maendeleo inayotekelezwa ndani ya Manispaa ya Iringa na kuitaka kuendelea na juhudi za utekelezaji wa miradi hiyo ili kuleta tija

Aidha miradi iliyotembelewa ni pamoja na kukagua ujenzi wa mabweni ya Shule ya Sekondari ya wasichana Iringa, mabweni  na madarasa Shule ya Msingi Ipogolo, ujenzi wa madarasa Shule ya Sekondari  Kihesa , ujenzi wa  madarasa Shule ya Sekondari  Mkwawa, ujenzi wa vyumba vya  madarasa Shule ya Msingi Kigonzile, ujenzi wa vyumba vya madarasa Shule ya msingi Njia panda, ujenzi wa Ofisi ya Kata ya Mtwivila, ujenzi wa  Ofisi ya Kata ya Mshindo, ujenzi wa nyumba ya mwalimu Shule ya msingi Mlangali, ujenzi wa Zahanati ya Itamba pamoja na ujenzi wa Soko la Mlandege.

Mbali na hayo Sekretarieti  imewataka wakandarasi wa Miradi hiyo kukamilisha kazi hizo  kwa wakati ili miradi mengine ya maendeleo iendelee.

Ziara hiyo ya sekretarieti ya Mkoa ilikuwa na lengo la kuhakikisha miradi yote ya maendeleo inakuwa katika hatua nzuri ya kukamilika.