TASAF MANISPAA YA IRINGA WAJIPANGA KUWATEMBELEA WANUFAIKA WAO KWA UHAKIKI WA TAARIFA ZAO

Posted on: June 29th, 2020

Kaimu Mkurugenzi wa mfuko wa kunusuru kaya maskini (TASAF)  Makao Makuu Bwana. Paulo Kijazi amefungua mafunzo ya kujenga uelewa kuhusu kipindi cha pili cha awamu ya tatu ya (TASAF)  na uhakiki wa kaya kwa wakuu wa Idara na wawezeshaji ngazi ya Halmashauri Manispaa ya Iringa.

Aidha mafunzo hayo ya siku mbili yameanza leo  katika ukumbi wa Manispaa ya Iringa yakiwa na lengo la kuziwezesha kaya za walengwa katika kutumia fursa za kuongeza kipato, huduma za jamii na uchumi pamoja na kuwekeza katika kuendeleza watoto wao.

Naye Mkurugenzi wa Manispaa ya Iringa Hamid Njovu amewataka wanasemina kuzingatia mafunzo na kuhakikisha wanafuata vigezo vilivyowekwa ili kuwapata wanufaika waliokusudiwa.

Njovu anesema wanufaika watakao patikana wapewe elimu ya matumizi sahihi ya fedha wanazopata ili ziwasaidie kuwaletea maendeleo.