TIMU YA MENEJIMENTI (CMT) MANISPAA YA IRINGA YAWATAKA WASIMAMIZI KUKAMILISHA UJENZI WA MIRADI YA MAENDELEO KWA WAKATI. 2020 - 2021.

Posted on: September 9th, 2020

Timu ya Menejimenti (CMT) - Manispaa ya Iringa ikiongozwa na Kaimu Mkurugenzi Ndugu. Omary Mkangama imefanya ziara ya kutembelea na kukagua Miradi mbalimbali ya maendeleo ndani ya Manispaa

Ziara hii imefanyika leo tarehe 9.9.2020 ikihusisha Miradi tisa (9) inayoendelea kutekelezwa kwa mwaka 2020 - 2021.

Ndugu. Omary amewasisitiza na kuwataka wasimamizi wa Miradi hiyo kuzingatia muda wa makubaliano yao katika kukamilisha ujenzi na ukarabati kwa ubora na ufanisi.

Miradi ilitembelewa ni pamoja na ujenzi wa madarasa 2 na mautundu 6 ya choo katika Shule ya Msingi Mtwivila, Ujenzi wa Madarasa 2 na Ofisi moja Shule ya Msingi Ngome, Ukarabati wa Shule ya Wasichana Iringa, ujenzi wa madarasa 2 na mautundu 6 ya choo katika Shule ya Msingi Nyumbatatu, Ujenzi wa Bweni na Maabara Shule ya Sekondari Mawelewele.

Aidha Miradi mingine ni Ujenzi wa Bwalo Shule ya Sekondari Kwakilosa, Ujenzi wa Madarasa 2 Shule ya Msingi Njiapanda, Ujenzi wa Madarasa na Bweni Shule ya Msingi Ipogolo, Ujenzi wa Jengo la Utawala katika Stendi ya Igumbilo.