UONGOZI WA MANISPAA YA IRINGA KUBORESHA MAPATO YA NDANI.

Posted on: June 25th, 2018

Uongozi wa Manispaa ya Iringa  upo katika mikakati ya  kuboresha ukusanyaji wa mapato  kwa kufanya ufuatiliaji wa mara kwa mara na watenda kazi  katika eneo hilo pamoja na vikao vya kubadilishana mawazo na kupokea changamoto kutoka katika utendaji wa kazi.

Akizungumza na watendaji wa ukusanyaji wa ushuru wa soko, Meya wa Manispaa ya Iringa Mh. Alex Kimbe amesema kuwa mabadiliko ya mara kwa mara ya watenda kazi kutoka eneo moja kuwapeleka eneo lingine yatafanyika ikiwa ni njia ya kuboresha na kufuatilia mapato hayo.

Aidha amesema lengo la Serikali ni kuongoza  mapato na Masoko ni  sehemu ya maeneo makuu ya ukusanyaji  katika Manispaa ya Iringa.

Naye kaimu Mkurugenzi wa Manispaa ya Iringa  ndugu Omary Mkangama amesema kuwa elimu ya mara kwa mara itaendelea kutolewa kwa wafanya biashara kuhusu ukusanyaji wa mapato  na zaidi akawaasa wakusanyaji kuthamini kazi yao kwani mapato hayo yanategemewa  katika maendeleo ya Manispaa na Nchi kwa ujumla.