UONGOZI WA MANISPAA YA IRINGA UMEFANYA ZIARA YA KUKAGUA MIRADI KUMI NA TANO YA MAENDELEO

Posted on: July 12th, 2018

Timu ya Menejiment ya Manispaa ya Iringa katika kutekeleza shughuli  zake  za usimamizi na ufuatiliaji , imekagua jumla ya miradi kumi na tano ya maendeleo katika Manispaa ya Iringa.

Lengo la kukagua miradi hiyo  ni kuona maendeleo ya miradi hiyo, thamani ya fedha  na miradi  kama kunamapungufu ili ifanyiwe marekebisho.

Timu hiyo ya Menejimenti iliongozwa na Kaimu Mkurugrnzi wa Manispaa ya Iringa, Ndugu Omary Mkangama amepitia miradi ya elimu, afya, maji, utamadunu na kilimo.

 Baadhi ya miradi iliyokaguliwa  ni ukarabati wa nyumba ya mwalimu Shule ya Msingi Mlangali, ujenzi wa vyuma vya madarasa Shule ya Msingi Njia panda, ujenzi wa mabweni na madarsa  Shule ya Sekondari Ipogolo, ujenzi wa vyoo Shule ya Sekondari Tagamenda, ujenzi wa darasa Shule ya Msingi Ndiuka, ujenzi wa madarasa Shule ya Msingi Igumbilo pamoja na ukarabati wa Ofisi ya Kata Mshindo na Kitanzini.

Timu ya Menejimenti ya Manispaa ya Iringa imeahidi kutatua baadhi ya changamoto walizokutanazo katika ukaguzi huo wa miradi mbalimbali.