WAHESHIMIWA MADIWANI WA MJI KOROGWE WAFANYA ZIARA YA MAFUZO HALMASHAURI YA MANISPAAYA IRINGA

Posted on: June 12th, 2018

Waheshimiwa Madiwani, wakuu wa Idara, Mkurugenzi na mwenyekiti wa Mji Korogwe wamefanya ziara ya mafunzo katika Halmashauri ya Manispaa ya Iringa lengo likiwa ni kujifunza kuhusu ukusanyaji wa mapato, utunzaji wa mazingira na masuala ya upangaji wa Mji yaani Master Plan.

Ziara hiyo ya siku moja imeongozwa na mweyekiti ambapo amesema kuwa kujifunza kwa wengine ni moja ya kukubali kazi inayofanywa na wenzetu na kuiga kwa kuboresha ili kuweza kuleta ufanisi zaidi pindi warudipo kwenye mji wao.

Maeneo yaliyotembelewa na waheshimiwa hao kutoka Mji wa Korogwe ni pamoja na Stand kuu ya Mabasi, Kikundi cha mazingira donbosco, Barabara ya mawelewele, Igumbilo katika mradi wa Mkurabita,  na Stand mpya ya mabasi ya Igumbilo.

Mwenyekiti wa Korogwe ameupongeza uongozi wa Manispaa ya Iringa kwa kufanya kazi kwa pamoja na kupelekea mafanikio makubwa katika nyanja mbalimbali za maendeleo.