WAHITIMU JESHI LA AKIBA WATAKIWA KUWA MFANO KWA JAMII

Posted on: December 28th, 2017

     WAHITIMU WAJESHI LA AKIBA WATAKIWA KUWA MFANO KWA JAMII

Mkuu wa wilaya Iringa Mh. Richard Kasesera amewataka Mgambo wote wa Jeshi la Akiba kuzingatia maadili na nidhamu ya kazi ili kuimarisha ulinzi na usalama wa Manispaa ya iringa na Mkoa kwa ujumla.

Mh,Kasesera ametoa wito huo katika  Hafla fupi ya kuhitimisha mafunzo ya jeshi la akiba yaliyofanyika Shule ya Msingi Mlandege ambapo mbali na kuhitimisha mafunzo hayo ameteuwa wahitimu 9 kujiunga na Jeshi la kujenga Taifa (JKT)  kwa mwaka 2017.

Mbali  na hayo ameuangiza Uongozi  wa Manispaa ya Iringa pamoja Na Makampuni ya ulinzi kutoa ajira kwa Mgambo waliopitia mafunzo ya Jeshi la akiba na kusisitiza walipwe Mishahara isiyopungua kima cha chini cha Kiserikali.

Aidha amewataka kushirikiana na Jamii na kuwa walinzi wa mfano kwa kuwasaidia Wananchi matatizo mbalimbali ya kiusalama zaidi pia wawe wanatoa taarifa za Rushwa  bila kusita endapo watabaini kuna vitendo au viashiria.