WAKURUGENZI WA MANISPAA NA HALMASHAURI ZA MKOA WA IRINGA WATAKIWA KUFUTA HOJA ZOTE ZA UKAGUZI

Posted on: November 15th, 2018

“Ifikapo ntarehe 15/12/2018 hoja zote za ukaguzi kwa mwaka wa fedha 2018/2019 kwa robo ya kwanza ziwe zimejibiwa na kufungwa”

Agizo hiyo imetolewa na Mkuu wa mkoa wa Iringa Mheshimiwa Ally Hapi alipokuwa akiongea na Wakurugenzi, wakaguzi wa wa ndani na wahasibu wa Halmashauri zote za mkoa wa Iringa katika ukumbi wa Veta, lengo likiwa ni kupitia hoja za wakaguzi wa ndani.

Amesema  ni maelekezo ya serikali kuwa hoja zote zifungwe na kutafutiwa majibu, hivyo amewataka wataalamu hao katika mkoa wake majibu ya hoja hizo yanapatikana na kazi ifanyike usiku na mchana ili hoja zote katika mkoa wa Iringa zifungwe.

Mheshimiwa Hapi ameongeza kuwa mkoa unajumla ya hoja 90 ambazo hazijafungwa hivyo ametaka  uwekwe mkazo kwa wataalamu kuhakikisha hoja hizo zinafungwa na wakuu wa wilaya kuhakikisha wanasimamia halmashauri zao hoja zifungwe.

Aidha amewataka Wakurugenzi kuongeza juhudi na nguvu kwenye ukusanyaji wa mapato na wanaohusika na ukusanyaji wa mapato hayo ya serikali kuwa wabunifu zaidi katika ukusanyaji ili kuendana na kasi ya serikali.