WAMILIKI WA NYUMBA ZA WAGENI NA HOTELI MANISPA YA IRINGA WAASWA KUZINGATIA ULIPAJI WA KODI PAMOJA NA KUBORESHA MAENEO YAO YA KAZI

Posted on: December 22nd, 2020

Wamiliki wa nyumba za wageni pamoja na Hotel ndani ya Manispaa ya Iringa wameaswa kuzingatia ulipaji wa kodi kwa uaminifu pamoja na uboreshaji wa huduma wanazotoa katika maeneo yao.

"Mimi naamini endapo mkiwa waaminifu kulipa kodi kwa wakati na kuwa sahihi basi  hakutakuwa na shida za kusumbuana  katika maeneo yenu ya biashara"

Hayo yamezungumzwa  leo tarehe 22/12/2020 na Saad Ishabailu Mwenyekiti wa kamati ya ukusanyaji mapato Manispaa ya Iringa katika kikao kilichowakutanisha wamiliki wa nyumba za wageni na hoteli pamoja na kamati ya ukusanyaji mapato katika ukumbi wa mikutano wa Manispaa

Aidha kikao hicho kimefanyika kikiwa na agenda kubwa ya kujadili masuala ya usimamizi, uendeshaji wa nyumba za kulala wageni na ulipaji wa kodi mbalimbali kwa Halmashauri ya Manispaa ya Iringa.

Pia katika mazungumzo yake Ndugu.Ishabailu amewataka wadau hao kuboresha mazingira katika biashara zao kwani kwa kufanya hivyo  wateja wao watafurahia huduma zao hasa kuwa na mazingira bora na safi

Sambamba na hayo, wamimiki hao wametoa ombi kwa Serikali kuwapunguzia mlundikano wa kodi ambazo wanazitoa na kuzifanya kuwa katika mlengo mmoja. Alisema ndugu Cosmass Msigwa mmoja wa wamilimi wa Nyumba ya wageni walioshiriki kikao hicho

Nae Mjumbe wa kamati ya ukusanyaji wa mapato Manispaa ya Iringa, ndugu Noel Shilembi aliwataka wadau ambao hawajakata leseni za biashara, kuhakikisha wanafanya hivyo ili kuepusha usumbufu usio wa lazima

Kamati hiyo ya ukusanyaji mapato ilipata fursa ya kusikiliza na kupokea changamoto mbalimbali za wafanyabiashara huku ikiahidi kuzifanyia kazi mara moja.