WANAUME MKOA WA IRINGA WATAKIWA KUPIMA MAAMBUKIZI YA VVU.

Posted on: July 26th, 2018

Kaimu Mkuu wa Mkoa wa Iringa Mh. Jamhuri William, amewataka wanaume Mkoa wa Iringa kuwa mstari wa mbele katika upimaji wa maambukizi ya VVU Kupitia kampeni ya upimaji iliyozinduliwa rasmi  mkoa wa iringa.

 Aidha Mh. Jamhuri amesema lengo la maadhimisho hayo ni kuhamasisha wananchi mkoa wa Iringa kujitokeza kupima ili kujua afya zao  na kuwa mstari wa mbele kujitokeza kupima kila wakati.

Maadhimisho haya yamefanyika katika uwanja wa Mwembetogwa na kuhudhuriwa na viongozi kutoka katika taasisi  binafsi, za kidini, na za kiserikali  ndani ya mkoa wa Iringa , vyombo vya usalama pamoja na wananchi

Maadhimisho hayo yameongozwa na kauli mbiu  isemayo  “FURAHA YANGU PIMA JITAMBUE ISHI” lengo likiwa ni kuhamasisha jamii kuwa na utamaduni wa kupima  afya zao kila wakati.