WATOTO WAKIKE WATAKIWA KUPATA ELIMU YA MAUMBILE NA KUJITAMBUA

Posted on: October 11th, 2018

Mkuu wa wilaya  ya Iringa Mh  Richard  Kasesela  amewataka watoto wa kike kujitambua na kupata elimu ya ufahamu wa maumbile yao     ili kuepuka maambukizi ya virusi vya UKIMWI (VVU)  

Mh kasesela ametoa wito huo  katika siku ya mtoto wa kike duniani iliyofanyika viwanja vya Mwembetogwa Manispaa ya Iringa ambapo amewataka watoto wa kike kuwa na maadili ya kitanzania  ili kuepuka maambukizi ya VVU.

Aidha Mh kasesela amesisitiza watoto wa kike kupenda michezo na kuacha tamaa  ambazo zitawasababishia kuingia kwenye masuala  yasiyofaa  na kuwakumbusha kuwa UKIMWI bado ni changamoto katika mkoa wa Iringa na amewahimiza wataalamu wa afya waliopo ndani ya Manispaa ya Iringa kuhakikisha wanawapatia  chanjo ya kinga ya saratani ya mlango wa kizazi. 

Maadhimisho hayo yameongozwa na kauli mbiu isemayo   IMARISHA UWEZO WA MTOTO WA KIKE, na yameandaliwa na Manispaa ya Iringa kwa kushirikiana na Taasisi ya mikopo Iringa (BRAC) pamoja na shirika la IDYDC.