WAZIRI LUKUVI ATOA WITO KWA MAAFISA KILIMO KUTOA ELIMU KWA WANANCHI ITAKAYOWASAIDIA KUZALISHA MAZAO YAKUTOSHA NA BORA

Posted on: August 1st, 2020

• 9Waziri wa Ardhi nyumba na maendekeo ya makazi Mh. William Lukuvi ametoa wito kwa maafisa kilimo,mifugo na Uvuvi wa Nyanda za juu kusini kuhakikisha wanatoa elimu kwa wananchi ili waweze kuutumia utaalamu huo katika kuboresha shughuli zao na hatimaye kuzalisha mazao yenye tija.

Mh.Lukuvi ameyasema hayo kwenye uwanja wa John Mwakangale Jijini Mbeya wakati akifungua rasmi maonesho ya nane nane kanda ya nyanda za juu kusini na kutembelea baadhi ya  mabanda yaliyopo eneo hilo.

Awali akimkaribisha mgeni rasmi Mkuu wa Mkoa wa Mbeya ndugu Albert chalamila amewataka wananchi kutumia vizuri haki yao ya msingi ya kikatiba kuchagua viongozi bora kwa maendeleo ya kilimo,mifugo na Uvuvi  kama kauli mbiu ya maonesho ya nane mwaka huu inavyosema.

Maonesho hayo yamefunguliwa leo rasmi na mgeni rasmi alikuwa Mh Wiliam Lukuvi ambaye aliongozana na viongozi mbalimbali wa chama na serikali akiwemo Naibu spika wa binge la jamhuri  ya muungano wa Tanzania,Mh.Tulia Akson  na yanatarajiwa kufungwa tarehe 8/8) mwaka huu na Mh.Rais wa Jamhuri ya muungano wa Tanzania Mh.John Pombe Magufuli.