WAZIRI MKUU MAJALIWA AZINDUA MPANGO WA UWEKEZAJI MKOANI IRINGA

Posted on: January 24th, 2021

Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa  tarehe 23/01/2021 amezindua kitabu cha uwekezaji Mkoa wa Iringa katika ukumbi wa chuo kikuu cha Mkwawa

Akizindua kitabu hicho mbele ya viongozi wa Chama na Serikali wakiwemo Mawaziri, Naibu waziri, Mkuu wa Mkoa wa Iringa Mhe. Ally Hapi, Waheshimiwa Wabunge, Wakuu wa Wilaya zote Mkoani hapa pamoja na wawekezaji  waliopo Mkoani Iringa,Taasisi, Makampuni na Mashirika yasiyo ya Kiserikali, wanavyuo wa Vyuo mbalimbali ikiwemo Chuo Kikuu cha Mkwawa amesema ipo haja ya watendaji wa Serikali kutokwamisha uwekezaji kwa sababu zisizo za msingi na badala yake kuwawekea mazingira rafiki ili waweze kuwekeza Mkoani hapa

Akimkaribisha mgeni rasmi Mkuu wa Mkoa wa Iringa amewataka Wakuu wa Wilaya kuainisha fursa zilizopo katika Mkoa huu na kuwashawishi wawekezaji wajitokeze ili kuweza kuleta maendeleo katika Mkoa na kuwa Mkoa huu ni sahihi kwa uwekezaji

Aidha Hapi amesema atashirikiana na viongozi wote wa ngazi za juu wakiwemo Wabunge wote wa Mkoa kuhakikisha mipango mikakati ya uwekezaji inatekelezwa kiurahisi na kwa haraka ili kukuza uchumi wa Mkoa huu

Uzinduzi huo ulifana  kwani kulikuwa na  maonesho ya shughuli mbalimbali zinazofanywa katika Sekta ya Kilimo, Biashara, Uchumi na Utalii ambapo Mgeni rasmi alishauri kuwepo na kitabu kilichoandaliwa kwa lugha ya kiswahili ili kurajisisha uelewa wa wananchi jatika jamii.