WIZARA YA MIFUGO NA UVUVI YAGAWA VIFARANGA 500 KWA WAFUGAJI MANISPAA YA IRINGA

Posted on: July 24th, 2020

Wizara ya Mifugo na uvuvi imetoa vifaranga vya kuku miatano,mifuko kumi na mbili ya chakula cha kuku,kwa wanakikundi cha ufugaji chaTwiyendage kilichopo Kata ya Nduli Manispaa ya Iringa.

Akikabidhi vitu hivyo Mkurugenzi wa uzalishaji na masoko wizara ya Mifugo na Uvuvi Dr.Felix Nandonde amewataka wafugaji hao wawe chachu kwa wafugaji wengine waliopo Manispaa.

Dr.Nandonde amesema lengo la ugawaji wa vifaranga hivyo ni kuhamasisha ufugaji na kuwa mpaka sasa wameshagawa Mikoa 7 ikiwemo Mkoa wa Iringa.

Dr.Steven Ngwale ni Afisa Mifugo na uvuvi Manispaa ya Iringa amewataka wanakikundi hao wafanye vizuri na kuwa chachu ili waweze kuhamasisha ufugaji katika Manispaa na kujipatia lishe pamoja na kipato ili waweze kuinua uchumu wao.

Mwenyekiti wa kikundi cha Twiyendage amememshukuru Rais wa jamuhuri ya Muungano wa Tanzania Dr.John Pombe Magufuli kwa utekelezaji wa ilani kwa kuwathamini

wafugaji wa kikundi hicho na kuwapatia vifaranga kupitia wizara  ya Mifugo na uvuvi.